5 x 11 Jubileum

Leef Kujeldreiers en kujeldreierinnekes,

Mer liefst 55 jaor besteit os vereiniging.
55 jaor vastelaovendj in Kelpe – Oler.

Det gaon wae gepasj mèt uch viere.
Dit jaor zulle ein paar activiteite d’r get angers oetzeen of vorm zeen gegaeve.

Aaftrap van ’t nuuje seizoen doon wae dit jaor op zunjig 17 november om 14.11 oor biej osse Kujeldreier.
Dao woe det ’t allemaol begonne is starte wae noe weer. Daonao gaon wae werm de zaal in en zulle osse nuuje prinsepare versjiene. Aug deze middag aandacht veur os dansgarde mèt nuuje danse en veural mèt veul passie en plezeer. De boorebroedspare zulle bekindj gemaaktj waere en aan ’t inj van de middig genete wae gaer same mèt uch van ein drenkske.

Veur os ein belangrieke activiteit is de receptie op 12 januari 2025. De jubileum receptie steit in ’t teiken van fieëst; fieëst mèt uch! Uiteraard kintj gae os en os prinseparen kome felicitere.
Det begintj dit jaor extra vreug namelijk vanaaf 10.00 oor. De receptie deurtj tot maximaal 15.00 oor.
Want daonao wille wae gaer ’t jubileum mèt uch viere door same mèt de band ‘Stout’ d’r ein ongekindj fieëstje van te make. Os prinsepare gaon gaer veurop!! En de toegang blieftj gratis 😉

ALAAF