Hee hallo,
Ich wil mich ff veurstelle…
Ich bön Lis Timmermans. Bön gebore op 3 mei 2012, noe dus 11 jaor jonk.
Mien aojers zeen Aod Prins Maurice en Linda, en ich bön ‘t gezellige zusje van aod jeugdprins Sil.
Dus de vastelaovendj laeftj hieëlemaol bie os thoes.
Wae hubbe gewooëndj oppe Europastraot mer mèt de vastelaovendj wooën ich oppe Grathemerweeg naeve ‘t Prinse Palieës. Yep in ‘t hoes van Pastooër…
Ich zit in groep 8 van Basissjoel de Verhalentuin!
Nuuj verhaole höb ich deze vastelaovendj zat te vertelle.
Dansen is mien sport…ich dans al hieël get jaore biej D.H. Dansstudio in Éll. Gezellig mèt de meide ‘n te gekke show nieerzette, ich straol den hielemaol op ‘t podium. ‘t Podium is neet onbekindj veur mich mer om noe veuraan te staon is natuurlijk waal get spannendjer.
Woe ich mien rust vinj det is thoes achter ‘t sjildersdook. Ich vinj mich zelf waal erg creatief en mèt de penseel in de handj maak ich sjoen sjilderieën.
Mer die dansmoves en pensele die zèt ich ff aan de kantj. Want noe is ‘t tied om te fieëste mèt alle Kujeldreiers en Kujeldreierinnekes.
Ich hoop uch allemaol mèt de Vastelaovendj te zeen.
Ich höb der zin in….ALAAF
Jeugdprinses Lis
