Wae, Prins Patrick II

- Kippeboor oppe Kuuper

- Piëlesjeeter biej handjboogvereiniging “De Gezellige Oore”

- Gruuetse pap van 4 opgruujendje kinjer

En Prinses Angelina

- Gebore Moêzevânger te Laor

- Aafveurpötje van ZVV De Sjrobpötjes

- Helpendj hendje oppe basissjoeël en KO Kids

En zeen allebei ongerdeil van VKBGAB.

Verklaore bie deze;

1^e        Ich mich ‘n gruuets Haenke veul om uch in deze vastelaovundj as 52^e prins van de Kujeldreiers veur te moge gaon.

2^e       Ich nao ‘nne bezunjer ongewuuene vastelaovundj van veurig jaor aod Jeugdprins Mees Ie, aod Jeugdprinses Imme en heur Adjes wil bedanke det ze det seizoen de ker höbbe getrokke.

3^e        Ich same mèt Prinses Angelina, mien Adjes en dames, mèt Jeugdprins Sep Ie, Jeugdprinses Anna en heur gevolg os bèst gaon doon om same mèt uch d’r eine sjieke vastelaovundj van te make.

4^e        Ich mèt de vastelaovundj de kippevaere omruul veur prinselijke vaere.

5^e        Det d’r nog ‘n vacature ope steit as kippeknuffelieër.
Biej interesse kintj gae uch meldje biej mien Adjes.

6^e        De Sjrobpötjes auch dit jaor naeve de pot pisse,
omdet ze weer ‘n potentiële prinses motte misse.

7^e        Mèt die daag ’t Prinsepelies os 2^e thoeësadres zal zeen.

8^e        Ich as lieërendj pielesjeeter mèt die daag de boog inne tas laot zitte,
want de roeas waerdj noe zoeawiezoea neet geraaktj.

9^e        Wae onger muzikale begeleiding van os Kujelträöters nörges onopgemerktj binne zulle kome.

10^e     Det gae neet op hoes aan moogtj gaon veurdet wae thoes zeen.

11^e     Det wae ‘t Roead Gael Greune vastelaoves virus mer al te gaer weer oppakke.

En det alles onger mien motto;

“Gaotj neet mèt de kippe op stek,

mèt dees daag is os niks te gek!”

Alaaf!

Gegaeve te Kelpe – Oler op 12 november 2022