Wae, Jeugdprins Sep Ie,
snelheidsduuvel vanne Kuuper,
keeper in opleiding biej DFO-20,
En Jeugdprinses Anna,
Braobantse spring-int-veldj van ‘Rondjom de sjoel’,
dansendj te vinje op TikTok,
Verklaore biej deze, (SAME)
Ten ieërste; (SEP)
Wae danke aod Jeugdprins Mees Ie en aod Jeugdprinses Imme
veur dae kei good geimproviseerde vastelaovendj van veurig seizoen!
Ten twiedje; (ANNA)
Zeen wae kei gruuets det wae hiej as ieërste jeugdraod van CV de Kujeldreiers staon.
Ten derdje; (SEP)
Wae kei bliej zeen mèt osse ganse raod as adjudant.
Ten veerdje; (ANNA)
Jeugdprins Sep Ie laot dien voetbalsjoon mer in de kast staon,
doe mos noe mèt os veurop in de polonaise gaon.
Ten viefdje; (SEP)
Jeugdprinses Anna,
stop mèt danse aan de angere kantj van de brök,
hiej höbste ’t al veul te drök!!
Ten zesdje; (ANNA)
Juffen,
maaktj ’t hoeswerk mer zelluf,
wae gaon op stap mèt osse raod van èlf!
Ten zevendje; (SEP)
PSV kieke geit noe neet door,
Wae fieëste door toet ’t lètste oor.
Ten achtste; (ANNA)
Gamen, snapchat en tik-tok kinne noe ff ruste,
Wae zigge tege die aoj van os;
WELTERUSTE!
Ten negendje; (SEP)
Makeup zètte wae om in schminke,
zoedet wae allein mer aan vastelaovendj hove te dinke.
Ten tiendje; (ANNA)
Carla haoj ’t vèt veur osse friet mer werm…
Oh nae…
‘t gaas is te deur,
och germ…
Ten elfdje; (SAME)
Wat os ’t meiste zal bevalle
is ’t fieëst mèt z’n alle,
En det onger os motto;
Alaaf
’t weurtj kei gaaf!!
Gegaeve te Kelpen-Oler op 12 november 2022