Joekskapel de “kujelträöters”
Vastenaovundj 1997 is dur gein muziekgezelschap det met Prins en Raod met kan gaon nao recepties en de kroegetocht op vastenaovundjsmaondig.
Spontaan ontsteit ut idee um met de kroegentocht ein gelaegenheidskapelke op te richten Hans Baetsen en Leon Jeurninck neme eeder heur trom met en kriege ongersteuning van de dames van de raod met tamboerein en plastic instrumenten. Hiej door ontsteit het idee um ein joekskapel op te richten, en in juli 1997 is dur ein oprichtingsvergadering biej Hans en Annemieke.
Kort daonao waere instrumenten aangeschaftj en beginne de repetities biej Joyce Slabbers.
Ut repertoire besteit ut ieërtste jaor oet Herzilein, de rivers of babilon, so ein tag, over and out en Kelpen-Oler dörpke.
Op vastenaovundjsmaondig 1998 is ut ieërste optreije met de kroegentocht;
Onger de naam “de kujelträöters”.
Sinds dae tied zeen ze te vinje biej zoewat alle vastelaovundjsactiviteiten in os durpke en begeleije ze de vastelaovundjsvereiniging nao recepties, e.d.
De repetitielokalen zeen ongertösse al mieërdere kieëre gewijzigdj,
Zoeals ieërder gezagdj zeen we begonne biej Slabbers in de keuke,
Hiejnao biej Baetsen op kantoer toen dit te klein woord is oetgeweeke nao Schrurs, toen weer trök nao Baetsen wao de repetities dek zoeë gezellig wore det ut laat waas.
‘T repetitielokaal in de hoeskamer van Grandcafe bie de Tied en weer trök nao Baetsen.
De joekskapel heet in de afgeloupe jaore auch al ein aantal prinsen en prinsessen in de geledere gehad.
In 1999 Prins Pascal de 1e
In 2006 Prins Hans de 1e en prinses Annemieke
In 2007 Prinses Suzanne
In 2009 Prins Patrick de 1e
In 2018 Prinses Ria
Auch hubbe we mieërdere boorebruuëdjes en eine boorbroedegom in os midde gehadj,
Dus os leden zeen neet allein muzikaal, mer auch echte carnavallisten.
Het repertoire is inmiddels oetgebreidj, zoeëals auch ut leden aantal.
In 2023 woord de kapel gevraogdj om Sjötterie St Petrus oet te helpe tiedens de optochten. Dit heet inmiddels geleidj tot ein gezellige samewerking met muzikanten oet Kelpe-Oler en Ittervoort.
Contactpersoon Joekskapel: Loes Bastiaansen kujelträöters@kujeldreiers.nl