De groeëte optocht vintj plaats op vastelaoves zunjig óm 14:11 oor. Wiltj gae auch mètdoon? Download ’t opgavestreukske via www.kujeldreiers.nl of lever ’n blaedje in ’n geslote envelop o.v.v. “optocht” veur vastelaoves zaoterdig 13:00 oor bie Bert ten Haaf Prins Bernhardstr. 1 in Kelpe-Oler.
Regels veur optochtdeilname:
1: Eederein van binne of boete Kelpe-Oler moog mètdoon en maaktj kans op prieze.
2: As d’r bie ’n optochtnr. gebroek gemaaktj waerdj van ‘ne wage dae groeëter is den of geliek is aan 3×2 m. den vèltj deze automatisch ónger de categorie wages. (incl. trèkkendje wage).
3. Wage / aangedreve voertuig mèt of zonger aanhanger deentj verzekerdj te zeen tége wettelikke aansprakelijkheid (WAM). Deilnummers zeen zelf verantwoordelik veur de WAM verzekering en motte dit kinne aantoeëne veur de optocht. De voertuige motte voldoon aan de verkeerswet en indien noodzakelik ouch APK gekeurdj / ein kentèken te hubbe.
4: In verbandj mèt de verkieërsveiligheid en euverlast waere de deilnummers verzóchtj óm op ’n fatsoenlike maneer óm te gaon mèt struisel. De optochtcommissie hèltj hie toezicht op.
5: Bestuurders vanne wages die mètdoon aan ‘ne optocht moge gein alcoholische dranke nuttige (weegverkieërswèt).
6: Eedere vastelaoveswage deentj veurzeen te zeen van ‘ne goodgekeurdje brandjblusser (min. 6kg)
7: D’r geltj ’n verbod veur ope veur (barbecue, stooktonne, e.d.)
8: Aggregate mótte veur aanvang vanne optocht aafgevuldj zeen. D’r moge gein brandjstoftanks oppe wages aanwezig zeen.
9: Misdraginge door deilnummers waere neet getollereerdj. As dees toch plaatsvinje, zal/zölle de deilnummer(s) waere gediskwalificeerdj en gesjraptj waere vanne deilnameliest.
10: Deilnummers dene aanwiezinge van de verkieërsregelieërs op te volge.
11. Dao woeë dit reglement neet in veurzuut, beslisj de optochtochtsommissie.
Same make wae d’r ‘ne sjoeëne, lange en bóntje stoet van!
Lèt op!!! De route is gewijzigdj en is as volgtj:
Meister Verkouleplein, Europastraot, Limburgstraot, Grathemerweeg, Liduinastraot, Voorterweeg, Kèrkstraot, Meister Verkouleplein.
Commissie Optocht
CV De Kujeldreiers
