Proclamatie Jeugdprins Pieter IIe en jeugdprinses Jette

Proclamatie Jeugdprins Pieter IIe en jeugdprinses Jette

Wae, Jeugdprins Pieter IIe, 
Neet gebore Kujeldreier vanne Grathermerweeg,
topvoetballer van DFO-20.

En Jeugdprinses Jette, 
gebore Kujeldreierinneke vanne Grathermerweeg,
en giechelköntje vanne Kujelvlökskes.

Verklaore biej deze,

Ten ieërste; (Pieter)
Wae danke aod Jeugdprins Stan Ie en aod Jeugdprinses Lis, 
veur de geweldige vastelaovendj van veurig seizoen!

Ten twiedje; (Jette)
Jeugdprins Pieter lèk dae bal mer ff aan de kantj,
mèt vastelaovendj trekke wae same door ’t Kujeldreierslandj.

Ten derdje; (Pieter)
Jeugdprinses Jette, dien danssjoon kinne noe opziej,
samen gaon wae veurop in de polonaise-riej.

Ten veerdje; (Jette)
PSV kieke geit noe neet door,
wae fieëste toet ’t lètste oor.

Ten viefdje; (Pieter)
Dit jaor viertj os vereiniging ein jubileum; 5×11,
heej ein 11, det bön ich zelf!

Ten zesdje; (Jette)
Balgeveul en ritme, det is osse kracht,
Voetbal en danse same, eendracht maaktj macht.

Ten zevendje; (Pieter)
Van aod kinjerborebroedegom nao jeugdprins,
det waas miene groëte wins.

Ten achtste; (Jette)
Op sjoeal doon wae ‘t allebei herstikke good,
Mer deze vastelaovendj höbbe wae roed-gael-greun in os blood.

Ten negendje; (Pieter)
Jette, det giechele moogse blieve doon, 
Mer WEG mèt dae tillefoon!

Ten tiendje; (Jette)
Samen mèt os adjes die hiej al staon,
zulle wae op volle kracht gaon!

Ten elfdje; (SAME)
Op aswoonsdig kinse ’t waal raoje, den höbbe wae zwegelkes nuudig om os auge ope te haoje!

en det onger os motto :

“Mèt Pieter en Jette is ‘t echt sjiek,
voetballendj op de dansvloer: det is pas uniek!”

Alaaf!

Gegaeve zunjig 17 november 2024

Loading