Ich, prins Tim de ieërste van ’t Kujeldreiersriek,
Aodste zoon van Peter en Gerrie,
trotse inwoeëner van Kelpe-Oler en eigenieër van ’t sjoeënste restaurant ane Maas,
Verklaor bie deze:
Ten ieërste,
Det ich ‘t ’n groeëte ieër vinj om in ‘t 5×11 Jubileumjaor van CV de Kujeldreiers prins te moge zeen.
Ten twieëdje,
Det ich Prins Martijn I, Jeugdprins Stan en Jeugdprinses Lis
hieël erg wil bedanke veur de sjoeëne vastelaovendj van vleje jaor!
Ten derdje,
Det ich d’r mit Jeugdprins Pieter IIe en Jeugdprinses Jette ‘ne fantastische vastelaovendj van gaon make.
Ten veerdje,
Bie LUS in Lin geit drie daag de deur dicht,
gezellig ’n paar pilskes drinke mit de jonges en maedjes oet Kelpe-Oler is den mien plicht.
Ten viefdje,
Mit Bas höb ich al 11 jaor ‘ne hechte bandj,
mit dees daag is hae miene ieërste adjudant.
Ten zèsje,
20 Jaor geleje nom oeëm Ben mich ane handj
en wore wae same prins van ’t Kujeldreierslandj.
Ten zevendje,
Mien bourgondisch laeve is aaf en toe get deur,
Frankriek, de taal, chansons en keuke höbbe mien veurkeur.
Ten achtste,
Begonne bie Bolle en toen door nao de Tied,
det horecablood raak ich noeëts mieër kwiet.
Ten negendje,
As sjut mitloupe bie de sjutterie of mit de gewichte goeëje inne gym, mit dees daag höb ich geine tied en bin allein mer Prins Tim.
Ten tieëndje,
Ich haoj waal van ’n festival of technofieëst, mer ouch mit vastelaovendj gaon ich d’raan wie ’n bieëst.
Ten èlfdje,
Same mit mien adjudante Robin, Michelle, Geert, Romy en Bas,
höb ich d’r völ zin in en belaeve wae ‘ne houp spaβ.
En det alles onger mien motto:
‘’Vastelaovendj, ich LUS dich rauw!’’
Gegaeve te Kelpe-Oler op 17 november 2024
Alaaf!
