Ze kome d’r aan!

Woonsdig 12 fibberwari kwoome ze kersvers vanne drukker biej os binne;
De nuuje jubileumversie van os vastelaovesgezet; “de Kujeldreier”.
Jeugdprins Pieter IIe & Jeugdprinses Jette en Prins Tim Ie höbbe de ieër gehadj de ieërste gezèt in ontvangst te neme van Margo (namens Commissie Gezèt). Vanaaf donderdig 13 fibberwari kintj gae ein van os leeje van CV de Kujeldreiers aan uch deur verwachte mèt de nuuje editie.

In de nuuje editie ’t lètste vastelaovesnuuts oet Kelpe-Oler, veul sjoen foto’s en natuurlijk de dörpse verhaole moge neet ontbraeke.

Wae winse uch veul laes plezeer!